علیمہ اعجاز

میں نے مرزا غالب کا تعارف، ان کے خطوط اور چند غزلیں اپنے دورِ تعلیم میں پڑھیں۔ لوگوں کی رائے اور اپنی معلومات کا احاطہ کرتے ہوئے مجھے بس یہی سمجھ آسکا کہ وہ زندگی کی سب سے دلچسپ حقیقت “احساس” کو جان گئے تھے۔ پھر وہ اُس میں اتنا محو ہو کر رہ گئے کہ باقی ہر چیز چاہے فرض ہو یا لطف، سب ہی سے بےنیاز ہوگئے۔اِس بےنیازی کو مستحکم کرنے کیلئے انہوں نے مہ نوشی کی عادت کو بھی اپنا لیا اور یوں ہر ذمہ داری اور ظاہری ماحولیات سے مبرّا ہو گئے۔