کتاب "شر کا شمار" دراصل ایک عہد کی فکری و سماجی جہتوں کا آئینہ ہے۔ اس میں شامل مضامین اور کالم محض الفاظ کا مجموعہ نہیں، بلکہ وہ احساسات اور مشاہدات کا نچوڑ ہیں جو ہمارے معاشرتی نظام کے چھپے ہوئے تضادات کو بے نقاب کرتے ہیں۔ مصنف نے جس بے باکی اور فکری گہرائی کے ساتھ سماجی و اخلاقی موضوعات پر قلم اُٹھایا ہے، وہ نہ صرف ان کے فہم و ادراک کا مظہر ہے بلکہ ان کی تحریری بصیرت کا بھی ثبوت ہے۔

یہ میرا پہلا شعری مجموعہ ہے — ایک ایسی کتاب جو صرف الفاظ کا مجموعہ نہیں، بلکہ ان لمحوں کا عکس ہے جو کبھی مکمل ہوئے بغیر بیت گئے، اور کبھی مکمل ہو کر بھی ادھورے محسوس ہوئے۔ یہ سچائیاں، خواب، خاموش چیخیں، اور بے آواز دعائیں — سب کے سب ان صفحات پر بکھرے ہوئے ہیں۔ یہ تحریریں صرف میری ذات کی کہانی نہیں، بلکہ اُس ہر شخص کی نمائندگی کرتی ہیں جو رات کی خاموشی میں اپنے اندر کے سوالوں سے الجھتا ہے، دن کے ہنگامے میں خود کو کھو بیٹھتا ہے، اور زندگی کے معمولی لمحوں میں غیر معمولی معنویت تلاش کرتا ہے۔

این جبین

میں نے مرزا غالب کا تعارف، ان کے خطوط اور چند غزلیں اپنے دورِ تعلیم میں پڑھیں۔ لوگوں کی رائے اور اپنی معلومات کا احاطہ کرتے ہوئے مجھے بس یہی سمجھ آسکا کہ وہ زندگی کی سب سے دلچسپ حقیقت "احساس" کو جان گئے تھے۔ پھر وہ اُس میں اتنا محو ہو کر رہ گئے کہ باقی ہر چیز چاہے فرض ہو یا لطف، سب ہی سے بےنیاز ہوگئے۔اِس بےنیازی کو مستحکم کرنے کیلئے انہوں نے مہ نوشی کی عادت کو بھی اپنا لیا اور یوں ہر ذمہ داری اور ظاہری ماحولیات سے مبرّا ہو گئے۔

میں حسین شاہ نوجوانوں میں بوڑھوں والی سوچ رکھنے والا ایک نوجوان لکھنے والا ہوں اردو ادب سے حد درجہ لگاؤ ہے سو اس عمر میں کتاب… ہاں اگر میرا پہلا مجموعہ کلام ہے تعارف سے مراد تعریف کرنا سو چند لفظوں میں اپنی اور اپنے ہر کلام کی تعریف کرتا چلوں کتاب ہاں اگر میں میری زندگی کے اہم ترین کلام شامل کیے گئے ہیں اگر تو چودہ طبق روشن کر کے پڑھنے والا پڑھے تو ہر مصرعے کے ہزار معنیٰ ہیں   مگر شرط ہے کہ تنقید کی نظر کو تالا لگا کر پڑھیں

سوز دل میں جزبات واحساسات کی حدت لیے شمع کی طرح جانے اور پگھلنے کا نام ہے ۔ جیسے آتش موم کو پگھلا دینے پر قادر ہے اسی طرح سوز دل کو آگہی کی بھٹی میں جلا کر کندن بنا دیتا ہے۔ محبت کی نگری میں سوز جزوِ اول ہے ،جس کے بغیر الفاظ محض حروفِ تہجی کا ڈھانچہ اور جذبات ایک دھندلی ،بوسیدہ تصویر کی مانند رہ جاتے ہیں جس پر نہ کوئی عکس باقی ٹذہرا ہوتا ہے اور نہ کوئی رنگ ۔یہ سوز کا عنصرہی تو ہے جو آواز میں ہو تو غلام بنا لیتا ہے اور الفاظ سے جھلکے تو دلوں کو تابع کر لیتا ہے ۔یہی سوز جب شاعری کے سینے میں اترا تو شاعر حضرات کو امر کر گیا اور دنیائے فکرو سخن کو اقبال ،رومی اور جامی جیسےگہر عطا کیے

زندگی کی تعریف کچھ عرصے پہلے میری نظر میں بہت تلخ تھی “مشکلات کا ہجوم” شاید یہی وہ جملہ تھا جو لفظ زندگی کا مترادف لگتا تھا۔ زندگی کیا ہے؟ کیوں ہے؟ یہ وہ سوالات ہیں جو ہر کسی کے ذہن میں ایک خاص وقت میں ضرور اُبھرتے ہیں، مگر یہ سوالات میرے ذہن میں ہی نہیں بلکہ میرے دل میں بھی اتر گئے یہی وجہ ہے کہ میں اس کتاب کو لکھنے کے قابل بنا۔ اس کتاب کو لکھنے میں مدد میری اردگرد رہتی، گزرتے کرداروں نے بڑی خوبصورتی سے کی اور میں جان گیا کہ ہمارے اردگرد اتنی کہانیاں ہیں کہ زندگی روز اپنی تعریف بدلتی ہے۔ صراط المستقیم میری چھوٹی سی کوشش ہے اب یہ میری کتاب نہیں آپ سب کی کتاب ہے۔

ایک لکھاری کا قلم سے وہی تعلق ہے جو رات کا چاند سے ،جو سحر کا آفتاب سے کہ جس کے بنا سب ادھورا ہے۔ان کہے الفاظ کی مالا پرو کر انہیں صفحوں کی زینت بنانا ایک لکھاری کے لیے کچھ اس طرح ہے جس طرح پنجرے میں بند پنچھی کے لیے آزاری کا شمع ہے اور جیسے آنکھ میں بہتے خوابوں کی تعبیر کی کرن مل جائے۔ سیریز آف ورڈ ایک ایسا ہی پلیٹ فارم ہے جس نے کئی قابل نوجوان لکھاریوں کے خوابوں کو تعبیر بخشی،جنہوں نے ذہن میں بہتے خیالات و افکار کو بہت قابلیت کے ساتھ شاہکاروں کا روپ دیا۔اس پلیٹ فارم نے لکھاریوں کی حوصلہ افزائی کرتے ہوئے انہیں اس منزل کا راستہ دکھایا کہ جس کے حصول کے لیے وہ عرصہ دراز تک بے تاب رہے

میں وہ کہانی ہے جو ہم کسی کو نہیں سناتے، خود کو بھی نہیں۔ میں سے ہم تک کا سفر ہم سب بہت بار، بہت سی شکل میں طے کرتے ہیں۔ یہ سفر جتنا خوبصورت دکھتا ہے اتنا ہی مشکل ہوتا ہے مگر ہم پھر بھی اس سفر کو طے کرنے کی ہمت کرتے ہیں اور جب ہمیں لگتا ہے کہ منزل قریب ہے تبھی منزل اپنا رخ بدل کر ہم پر ہنستی ہے۔ یہ کہانی اس سفر کی ہے جب ہم خود اپنی زندگی سے ان لوگوں کو نکالتے ہیں جو ہمیں سچے دل سے چاہتے ہیں۔ سننے میں عجیب لگتا ہے کہ ہم کسی ایسے شخص کو اپنی زندگی سے نکال دیں جو ہمارے ساتھ مخلص ہو مگر یہی سچ ہے، ہم سب اپنی کہانی میں معصوم ہوتے ہیں مگر دور کہیں کسی اور کی کہانی میں ہم کسی کی وہ یاد ہوتے ہیں جو صرف تکلیف دیتی ہے۔ “میں” ہم سب کے اندر چھپا وہ بچہ ہے جس کو ہم دنیا سے بچاتے رہتے ہیں، اس کو کھل کر جینے نہیں دیتے

آخری اسٹیشن ایک ایسی تحریر اور ایک ایسی کہانی ہے جو محض تین کرداروں کے ارد گرد گھومتی ہے۔اس کہانی کو لکھنے کا ایک ہی مقصد تھا کہ پاکستان کی اہمیت کو اجاگر کیا جائے۔ اگر ہمارے بزرگ اپنی جان اور مال کی قربانیاں دے کر غلامی کی زنجیروں سے آزادی حاصل نہ کرتے تو ہم بھی یقینایوسف کی طرح بے قصور قتل کر دیے جاتے۔اس کہانی کو پڑھ کر آپ کو ضرور اندازہ ہوگا کہ آپ اپنی بے حسی اور خود غرضی کی وجہ سے کسی دوسرےکا کتنا بڑا نقصان کر دیتے ہیں۔میں جانتیی ہوں میری کہانی کا جدید دور سے دوردور تک کوئی تعلق نہیںہے مگر اس کوپڑھ کرآپ ضرور آج سے پجھتر سال پیچے چلے جائیں گے